Qeveria zvicerane nis përpjekjet për të siguruar Lojërat Olimpike Dimërore 2038

(KEYSTONE/Laurent Gillieron)

Pas dështimit për të pritur Lojërat Olimpike Dimërore në 2030 dhe 2034, Zvicra po përpiqet përsëri – këtë herë për Lojërat Dimërore 2038.

Të premten Këshilli Federal njoftoi se po përgatitet në një përpjekje për të siguruar një ofertë të ardhshme zvicerane.

Vitin e kaluar, Zvicra u refuzua nga Komiteti Olimpik Ndërkombëtar (IOC), i cili favorizoi Francën dhe Shtetet e Bashkuara për Lojërat Dimërore 2030 dhe 2034. Në këmbim, IOC premtoi një “të drejtë preference” për vitin 2038, nëse Berna arrin të rafinojë ofertën e saj deri në vitin 2027, transmeton albinfo.ch.

Organizimi i një ngjarjeje të tillë do të ketë një “ndikim pozitiv” në shoqëri dhe ekonomi, tha Departamenti Federal i Mbrojtjes, Mbrojtjes Civile dhe Sportit (DDPS) në një deklaratë për shtyp të premten.

Prandaj, qeveria ka ngritur një grup pune ndërdepartamental për të shoqëruar përgatitjet për një ofertë të ardhshme. Departamenti i Sportit është përgjegjës për planifikimin dhe analizimin e kontributit financiar të qeverisë federale, shkruan swissinfo.

Swiss Olympic, organizata ombrellë për sportet zvicerane, do të shqyrtojë çështjet në lidhje me vendet e zgjedhura olimpike. Roli i autoriteteve publike në mbështetjen e Lojërave Olimpike gjithashtu duhet të sqarohet.

Disa përpjekje zvicerane për të pritur Lojërat Olimpike Dimërore në kohët e fundit – si një ofertë e përbashkët nga St Moritz dhe Davos për vitin 2022 dhe kantoni Valais për vitin 2026 – kanë dështuar në kutinë e votimit.

Lojërat e fundit Olimpike Dimërore u mbajtën në St Moritz në 1948.