Në cilat qytete zvicerane keni më shumë gjasa të dëgjoni të flitet anglisht?

Një studim i ri ka zbuluar qytetet në Zvicër ku numri më i madh i banorëve flasin anglisht në shtëpi.

Studimi ‘City Statistics’, i publikuar më herët në shtator nga Zyra Federale e Statistikave (FSO), ofron disa pamje interesante në aspekte të ndryshme të jetës në 10 qytetet më të mëdha të Zvicrës.

Ato janë Bazel, Berna, Biel/Bienne, Gjenevë, Lozanë, Lucern, Lugano, St.Gallen, Winterthur dhe Cyrih.

Studimi përfshin statistika mbi kushtet e jetesës në secilin prej këtyre qyteteve, si pagat, strehimin, lëvizshmërinë dhe përdorimin e energjisë ndër të tjera.

Ekzistojnë gjithashtu të dhëna për përqindjen e banorëve që flasin anglisht në shtëpi, transmeton albinfo.ch.

Çfarë gjeti studimi në këtë drejtim?

Në mënyrë të parashikueshme, qytetet më ‘ndërkombëtare’ – domethënë ato ku jetojnë shumica e shtetasve të huaj – kanë më shumë familje ku flitet anglisht:

Cyrih: 15.8 për qind

Bazel dhe Gjenevë: 13.7 për qind

Lozanë: 9,9 për qind

Luzern: 8.4 për qind

Bernë: 8.2 për qind

Winterthur: 6.5 për qind

Biel/Bienne: 5.2 për qind

St. Gallen dhe Lugano: 4,8 për qind

A është befasues ky zbulim?

Po, duke pasur parasysh që anglishtja nuk është një nga gjuhët zyrtare të Zvicrës.

Por ky dhe një studim i mëparshëm i FSO-së, tregojnë qartë se përdorimi i anglishtes është i përhapur në vend – jo vetëm në mjediset e biznesit, por edhe në jetën private.

Studimi i mëparshëm, i botuar në mars, u përqendrua në kantonet, në vend të qyteteve, ku jetojnë shumica e anglishtfolësve.

Ai zbuloi një prirje interesante: në shumë kantone, anglishtja flitet më gjerësisht sesa një gjuhë kombëtare.

Për shembull, në kantonin francez-folës të Gjenevës, 11.8 për qind e popullsisë flasin anglisht – më shumë se 5.7 për qind që flasin italisht. Dhe në zonën fqinje Vaud (ku frëngjishtja është gjithashtu gjuha kryesore), 9.1 për qind e banorëve flasin anglisht, kundrejt 4.9 për qind për gjermanisht dhe frëngjisht, shkruan thelocal.

Në qytetin gjermanofolës të Baselit, 12.5 për qind flasin anglisht, 6.1 për qind italisht dhe 5 për qind frëngjisht.

Dhe në Cyrih (gjithashtu gjermanishtfolës), 10.8 për qind flasin anglisht, kundrejt vetëm 5.8 për qind për italisht dhe 3.2 për qind frëngjisht.

Prevalenca e anglishtes

I njëjti studim i FSO tregon gjithashtu se anglishtja është gjuha e huaj më e përhapur në Zvicër, ku 6.5 për qind e popullsisë e përdor atë në shtëpi.

Kjo mund të duket si një përqindje shumë e ulët, por megjithatë është mbresëlënëse, duke pasur parasysh se në Zvicër ka më shumë emigrantë portugezë sesa anglishtfolës amtare, dhe megjithatë vetëm 3.6 për qind e banorëve e flasin atë.

Dhe akoma më pak njerëz – 2.8 për qind – flasin spanjisht.

---