Kievi: Rusia humbi 24,000 trupa në vetëm tri javë

Keystone (AP Photo/Efrem Lukatsky)

Për vetëm tri javë, forcat ruse kanë humbur më shumë se 24,000 trupa, sipas të dhënave nga autoritetet ukrainase.

Gjatë muajit tetor, sipas Forcave të Armatosura të Ukrainës, Moska ka humbur 24,090 personel ushtarak, raporton Newsweek.

Më herët gjatë javës u raportua se më shumë se 8 miliardë dollarë artileri ruse është shkatërruar në vitin 2024, sipas Ministrisë së Mbrojtjes së Ukrainës, transmeton albinfo.ch.

“Një nga ditët më të rëndësishme të humbjeve për forcat ruse ndodhi më 22 shtator, kur forcat ukrainase neutralizuan 81 sisteme artilerie në një ditë të vetme”, thuhet në njoftim.

Gjatë kësaj periudhe Rusia ka përjetuar disa nga humbjet më të larta të personelit ushtarak rus, me 35,680 në korrik, 36,810 në gusht dhe 38,130 në shtator.

Ndryshe, sipas Ministrisë së Financave të Ukrainës, bazuar në llogaritjet e dhëna nga Forbes Ukraine, kostoja totale e pajisjeve të humbura nga Rusia në Ukrainë tani është më shumë se 73 miliardë dollarë.