Foto:Virtyt Kelmendi
Lajme
Turizmi malor i Kosovës në panairin e Parisit
Alpinizmi, kalërimi, çiklizmi, kampimi kosovarë do të prezantohen në panairin “Destinacionet e natyrës”, që organizohet në Paris të Francës
Turizmi malor në Kosovë, përfshirë këtu ecjet në këmbë, alpinizmin, ngjitjet, kalërimi, çiklizmi, kampimi, e të tjera do të prezantohen në panairin “Destinacionet e natyrës”, që organizohet në Paris të Francës prej sot deri më 22 mars. Ky është një prej panaireve më të rëndësishme në fushën e turizmit malorë dhe aktiviteteve në natyrë në Evropë.
Në këtë panair, Kosova do të prezantoj bukuritë e saj natyrore, që janë jashtëzakonisht joshëse për turistët. Këto vlera deri më tani nuk janë zbuluar para opinionit ndërkombëtare. Sipas Agjencisë për Mbrojtjen e Mjedisit të Kosovës, Kosova për herë të parë ka marrë pjesë në këtë panair në vitin 2012 dhe nga përvoja e kësaj pjesëmarrje janë identifikuar shumë mundësi të promovimit të vlerave turistike të Kosovës.
Këtë vit, pjesëmarrja e Kosovës është mundësuar në saje të bashkëpunim në mes të Agjencisë për Mbrojtjen e Mjedisit të Kosovës, Agjencisë për Promovim dhe Mbështetje të Ndërmarrjeve, USAID-it dhe Ambasadës franceze në Kosovë, thuhet në një komunikatë për media.
“Prezantimi i bukurive natyrore të Kosovës, diversitetit kulturor, dhe vlerave tjera që bartë në vete vendi ynë, përveç rëndësisë turistike është një mundësi e mirë e promovimit dhe përmirësimit të imazhit të vendin në Evropë dhe më gjerë. Pjesëmarrja e Kosovës në këtë panair ka për qëllim kryesorë të rris numrin e turistëve që kanë destinacion turizmin malor në Kosovë”, thuhet në njoftim.
Përmes pjesëmarrjes në këtë ngjarje, po ashtu, synohet të joshet dhe të përfitohet klientela e Evropës Perëndimore, kryesisht ajo e Francës, të inkurajohen agjencitë turistike të Francës që të vendosin Kosovën në programet e tyre, duke propozuar udhëtime në destinacionet natyrore kosovare gjatë vizitave nëpër Ballkan.
Në kuadër të aktiviteteve të planifikuara në këtë panair, përveç prezantimit të ofertës turistike natyrore të Kosovës përmes një stende me logon e shtetit të Kosovës dhe shpërndarjes së materialeve promovuese, do të prezantohen edhe disa kompani vendore nga sektori i turizmit natyrorë.
Gjithashtu do të zhvillohen takime me kompanitë dhe grupet e organizuara të turistëve nga Franca dhe më gjerë, do të mbahen konferenca për media dhe gazetarë si dhe pritet edhe nënshkrimi i ndonjë marrëveshjeve eventuale bashkëpunimi.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter