Bajram Begaj takon Shaip Kamberin, e siguron për mbështetje për shqiptarët e Luginës

Foto: Bajram Begaj, FB

Presidenti i Shqipërisë, Bajram Begaj, ka takuar të martën deputetin e vetëm shqiptar në Kuvendin e Serbisë, Shaip Kamberi.

Begaj ka njoftuar se kanë biseduar për shqetësimet që kanë shqiptarët e Luginës së Preshevës.

“Me Shaip Kamberin, deputetin e Luginës së Preshevës në Serbi, diskutuam për shqetësimet me të cilat përballen shqiptarët në këtë trevë. E sigurova se Presidenti i Republikës së Shqipërisë, qeveria dhe institucionet shqiptare janë në mbështetje të plotë të çështjes së shqiptarëve të Luginës së Preshevës”, ka shkruar Begaj.