Integrimi
Prend Berisha, kandidat për Parlamentin Nacional nga CVP
Të njëjtën ditë kur është shpallur kandidimi i Prendit, është bërë edhe pranimi i tij në kryesinë e seksionit për qytetin Wil, të CVP-së
Vargut të shiptarozviceranëve, kandidatë për Parlamentin Nacional i është shtuar edhe një i ri. Ai quhet Prend Berisha, është vetëm 21 vjeç dhe është nominuar ditë më parë nga CVP (Partia Demokristiane) në qytetin Wil të St. Gallenit. Krahas tij, për deputet nacional është nominuar edhe Beda Sartory nga grupi “60+”.
Të njëjtën ditë kur është shpallur kandidimi i Prendit, është bërë edhe pranimi i tij në kryesinë e seksionit për këtë qytet të CVP-së, merr vesh albinfo.ch.
Prend Berisha, me rrënjë nga Kosova ka mbaruar maturën profesionale në drejtimin komercial. Ai e sheh të ardhmen e tij, krahas profesionit, edhe në politikë.
Në prezantimin e bërë me rastin e kandidimit, ai ka treguar se që nga rinia e hershme ka shfaqur interesim për jetën publike. Ai ka thënë se në CVP ka parë vendin e duhur për pikëpamjet e tij politike, shkruan infowilplus. Berisha ka përmendur forcimin e familjes, sigurinë dhe përfshirjen e të rinjve në politikë si temat ku është më shumë i fokusuar.
Edhe nëse nuk do të arrijë të zgjidhet në Parlamentin Nacional ai thotë se ka edhe vende të tjera ku mund të angazhohet politikisht.
Kohën e lirë, Prend Berisha e kalon me sport dhe udhëtime.
Të tjera nga Integrimi
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Fitimet e Bankës Kombëtare të Zvicrës kthehen në nivele rekord Përveç një fitimi prej 52.4 miliardë CHF në zotërimet e saj në valutë të huaj, SNB...
-
Komisioni zviceran kërkon që azilkërkuesit të deportohen në një vend të tretë
-
Mungesa e psikoterapistëve i lë fëmijët zviceranë në krizë
-
Frëngjishtja në rritje në qytetet dygjuhëshe të Zvicrës
-
A priten vonesa dhe tollovi në aeroportin e Cyrihut?