Bota

Danimarka, me fuqinë punëtore më të shtrenjtë në BE

E diel, 5 Prill 2015 - 9:04 albinfo.ch

Fuqia më e shtrenjtë punëtore vitin e kaluar në BE ishte regjistruar në Danimarkë, dhe më pas vjen Belgjika. Një orë pune në BE mesatarisht arrin në 24.6 €, ndërsa 29.6 € në eurozonë.
Megjithatë, çmimi i fuqisë punëtore është shumë i pabarabartë në BE.

Kostoja më e madhe e një ore pune vitin e kaluar ishte në Danimarkë. Atje ishin paguar punëtorët 40.3 € në orë, pastaj vjen Belgjika me 39.1 € dhe 37.4 € në Suedi, njofton Eurostat, transmeton albinfo.ch.

Çmimi më i ulët për njër orë pune ishte në Bullgari, 3.8 €, pastaj në Rumani 4.6 € dhe 6.5 € në Lituani.

Kostoja për një orë pune në industri vitin e kaluar ishte më e shtrenjtë në Belgjikë dhe mesatarisht kishte mbërritur 44.1 €, pastaj Danimarka 42.1 € dhe 41. 8 € në Suedi.