Marina italiane shpëton 978 refugjatë nga mbytja në det

Foto ilustrim

Afër njëmijë persona, saktësisht 978 refugjatë afrikanë që po udhëtonin me barka drejt Evropës janë shpëtuar të premten nga vdekja në Detin Mesdhe. Këtë njoftim e kanë bërë rojat italiane të bregdetit, të cilat, gjithsej tri aksione shpëtimtare i kanë ndërmarrë në afërsi të bregdetit të Libisë.
Sipas njoftimit në fjalë, në njërën nga barkat është gjetur trupi i pajetë i një njeriu.
Sipas agjencisë së lajmeve Reuters , migrantët kishin lëshuar një alarm të premten me ç`rast kishin kërkuar ndihmë përmes telefonave satelitorë.
Agjencia dhe as rojat italiane nuk kanë ofruar të dhëna mbi nacionalitetin e viktimave të shpëtuara.