Gjirokastra, në mesin e 10 vendeve më të mrekullueshme në Evropë

Qyteti i Gjirokastrës është cilësuar si një ndër vendet më të mrekullueshme evropiane për ta vizituar. Këtë cilësim e ka dhënë prestigjiozja amerikane “Huffington Post”.

Në një listë me 10 qytete evropiane figuron Gjirokastra, sipas “Huffington Post”, e cila i fton turistët ta vizitojnë këtë qytet në jug të Shqipërisë, që  përmban një arkitekturë tipike të periudhës osmane të mbrojtur nga UNESCO, që do të thotë se është mjaft i vjetër dhe mjaft i bukur.

“Ejani këtu për kulturën; qëndroni për ushqimin”, thotë “Huffington Post”.

“Ju mendoni se i njihni mrekullitë e Evropës nga fillimi në fund. Por jo, ju nuk i njihni. Ashtu si me çdo destinacion tjetër të mirë, kontinenti krenohet me një numër të madh thesaresh të panjohura që do të bënte t’i merreshin mendtë edhe një udhëtari me përvojë”.

„Kontinenti gëlon nga vende të papopulluara, si ishujt e Spanjës dhe qytetet e liqenet e Lituanisë. Oh, dhe nuk e kemi përmendur se tani është koha më e lirë që kemi parë ndonjëherë për të vizituar Evropën”.