Ambasadori Ajeti: Historike, për herë të parë votimi në misionet tona diplomatike dhe konsullore në Gjermani

Ambasadori i Kosovës në Gjermani, Faruk Ajeti, ka thënë se për herë të parë qytetarët e Kosovës po ushtrojnë të drejtën e tyre për të votuar në misionet tona diplomatike dhe konsullore në Berlin, Dusseldorf, Frankfurt, Hamburg, Kopenhagë, Munchen dhe Stuttgart.

Ajeti e ka quajtur ditë historike
votimin në misionet diplomatike dhe konsullore.

“Ditë historike – Votimi për herë të parë në misionet tona diplomatike dhe konsullore në Gjermani dhe Danimarkë!

Sot, për herë të parë në historinë e shtetit tonë, qytetarët e Republikës së Kosovës po ushtrojnë të drejtën e tyre për të votuar në misionet tona diplomatike dhe konsullore në Berlin, Dusseldorf, Frankfurt, Hamburg, Kopenhagë, Munchen dhe Stuttgart.
Inkurajojmë të gjithë qytetarët e regjistruar të shfrytëzojnë këtë të drejtë dhe të bëhen pjesë e këtij rrugëtimi historik për fuqizimin e demokracisë dhe përfaqësimin e Republikës sonë”.