Një shqiptare me shoqen e saj bëhen temë e shtypit zviceran

Dy adoleshentet 14-vjeçare, njëra prej tyre shqiptare, pësojnë aksident në fillim të muajt prill derisa ia kishin huazuar veturën një pensionisti 75-vjeçar.

Adoleshentet thuhet se janë pjesë e një grupi, të cilat si “shpërblim” të seksit me para i kanë marrë plakut afro 300 mijë franka zvicerane dhe kanë bërë një jetë luksoze.

Në mbrëmjen e aksidentit vajzat kishin huazuar veturën tip Ford Focus nga plaku dhe donin të shkonin në diskotekën “Rinora 4” në Rumlang të Cyrihut.

Njëra nga vajzat, Melia S., kishte braktisur shtëpinë e saj dhe përkohësisht jetonte te shoqja e saj, Sara. Në një parking ato ushtruan se si duhej të vozitet vetura dhe si duhet të ndizen dritat sinjalizuese, pastaj vazhduan rrugën për në autostradë.

Hiqe këmbën nga  gasi

Gazeta “Blick.ch” ka siguruar audio incizime, të cilat vajzat kanë zhvilluar gjatë udhëtimit dhe derisa e ulura pranë shoferes ishte duke telefonuar me një shoqe të saj, e qorton ngasësen e veturës. “Hiqe këmbën nga gasi, e kemi kaluar 200 k/h”, transmeton albinfo.ch.

Gjatë udhëtimit ato kishin fat dhe nuk u ndaluan nga policia në një kontroll rutinor.
Pas mbrëmjes ishin nisur për në Solothurn, ku kishin rezervuar një dhomë në hotelin “Romanda”, ndërsa vijuan me telefonata. “Nëse vdes, ju dua të gjithëve”, apo “Ne ishim pothuajse duke bërë aksident. Ne ishim duke rënë në një shtyllë. Të dua, mami”, ishin fjalët e xhiruara nga bashkëshoferja.

Sipas gazetës “Blick.ch”, është ende e paqartë nëse dy vajzat ishin të dehura apo jo. “Ne sapo vijmë nga Rinora”. Kemi konsumuar 70 horpa alkool”. Edhe plaku, pronari i veturës, i thërret vajzat i shqetësuar, duke i pyetur se a është gjithçka në rregull me to.

Rreth orës 5.30 të dy vajzat përplasen me një pemë, duke u munduar t’i ikin një patrulle policore. Vajzat problemore shpëtuan pa lëndime, ndërsa u dërguan në një shtëpi kujdesi.