Shkurt.ch

Zviceranët, 11 milionë franga për viktimat e tërmetit në Nepal

Duke llogaritur edhe 6.1 milionë franga të zotuara më 25 prill, pas apelit të parë të Glückskette për ndihma, rezultojnë gjithsej rreth 17 milionë fr.

E mërkurë, 6 Maj 2015 - 13:13 albinfo.ch

Zviceranët janë treguar mjaft zemërgjerë ndaj viktimave të tërmetit në Nepal. Vetëm gjatë ditës së caktuar të aksionit për grumbullimin e ndihmave, të marten, ata kanë bërë zotimin për dhurimin e 11 milionë frangave. Gjegjësisht, në përmbyllje të aksionit të organizatës Glückskette të transmetuar edhe në televizion, kanë qenë 11.054.194 franga të zotuara.

Duke llogaritur edhe 6.1 milionë franga të zotuara më 25 prill, pas apelit të parë të Glückskette për ndihma, rezultojnë gjithsej rreth 17 milionë franga.

Maratona për dhurimin e parave, zyrtarisht është përmbyllur në mesnatën e mbrëmshme por grumbullimi mund të bëhet edhe pas kësaj.

Janë dhuruar shuma nga më të ndryshmet, nga 10 franga deri në disa mijëra për person. Ndërsa një numër i madh komunash, kantonesh dhe ndërmarrjesh kanë dhuruar edhe shuma që kalonin dhjetëra mijë frangat.

Paratë e grumbulluara do të përdoren për ndihma emergjente dhe për projekte rindërtimi, thonë në Glückskette.

Punëtorët e koncernit të telekomit zviceran Swisscom kanë dhuruar së bashku 100 mijë franga ndërsa vetë koncerni e ka më shumë se dyfishuar këtë shumë, duke i zotuar plot 250 mijë franga.

Në maratonën e grumbullimit të ndihmave që është mbajtur paralelisht në studiot e SRG-së në Cyrih, Chur, Gjenevë dhe në Lugano janë angazhuar rreth 500 persona. Në mesin e tyre, me ndihmesën e saj personale në regjistrimin e premtimit të ndihmave përmes telefonit, ka qenë edhe presidentja e federatës, Simonetta Sommaruga.

Ajo ka vizituar në mbrëmjen e hershme qendrën e grumbullimit në studion e Cyrihut ku ka treguar angazhimin e saj personal duke marrë telefonatat e atyre që tregonin gatishmërinë për të ndihmuar.

Kamp