Lajme
Konklava për zgjedhjen e Papës së ri do të nisë më 7 maj

Vatikani ka konfirmuar se konklava sekrete për të zgjedhur pasardhësin e Papa Françeskut do të nisë të martën, më 7 maj. Vendimi u mor të hënën nga Kongregacioni për Kardinalët, i cili po mbikëqyr procesin pas vdekjes së Papës më 21 prill, shkruan DW, transmeton albinfo.ch.
Votimi do të zhvillohet në Kapelën Sistine, në zemër të Vatikanit, e cila ka qenë e mbyllur për publikun për të lejuar përgatitjet. Nga 225 kardinalët në të gjithë botën, vetëm 135 – ata nën moshën 80 vjeç – kanë të drejtë të votojnë. Kardinalët më të moshuar nuk mund të votojnë, por marrin pjesë në diskutimet joformale.
Sipas traditës shekullore, kardinalët do të izolohen plotësisht gjatë procesit të votimit — pa telefona, internet apo kontakte me botën e jashtme — për të shmangur çdo ndikim të jashtëm. Ata do të qëndrojnë në Casa Santa Marta, hotelin brenda Vatikanit ku u zhvillua edhe konklava e fundit.
Procesi i votimit nis me një betim për sekret dhe vazhdon me votime të përsëritura — një të parën në ditën e parë dhe deri në katër çdo ditë pas saj. Secili kardinal voton duke shkruar emrin e preferuar në një letër me fjalët “Eligo in Summum Pontificem…” (“Unë votoj për … si Papë”). Për të zgjedhur Papën e ri, kërkohet shumicë prej dy të tretash, transmeton albinfo.ch.
Pas çdo raundi votimi, fletët digjen dhe nga oxhaku i Kapelës Sistine ngrihet tym: i zi nëse ende nuk ka rezultat, i bardhë nëse është zgjedhur një Papë i ri. Në atë moment, kardinali Proto-Djakoni del nga ballkoni i Bazilikës së Shën Pjetrit dhe shpall: “Habemus papam” – “Ne kemi një Papë”.
Emri i zgjedhur zakonisht i referohet një paraardhësi të nderuar ose një shenjtori. Edhe pse teorikisht çdo burrë katolik i pagëzuar mund të bëhet Papë, realisht zgjedhja bie mbi një nga kardinalët pjesëmarrës.
Ndërsa disa kardinalë duan të vazhdojnë fokusin e Papa Françeskut tek të margjinalizuarit dhe paqja, të tjerë kërkojnë një kthim drejt doktrinave tradicionale të Kishës. Kjo e bën zgjedhjen e re krejtësisht të paparashikueshme.
“Françesku ishte Papa i surprizave. Edhe kjo konklavë do të jetë e tillë,” deklaroi kardinali spanjoll Jose Cobo për gazetën El País, transmeton albinfo.ch.
E-Diaspora
-
Vëllai dhe motra e boksierit Besar Nimani, në gjyq për hakmarrje Vëllai i tyre u vra me 16 të shtëna në qendër të Bielefeldit - muaj më...
-
MPJD dënon arrestimin arbitrar të shtetasit kosovar në Serbi
-
Kurti mirëpret diasporën: Kosova është me fat që ju ka
-
U godit nga rryma elektrike në Itali, humb jetën punëtori 21 vjeçar nga Kosova
-
Fiona Kabashi diplomon në Universitetin Mjekësor të Vjenës
Jeta në Zvicër
-
Pavarësisht ndalimit për personat nën 18 vjeç, paketat me nikotinë po përhapen në Zvicër. Në një dyqan në Basel, çdo ditë adoleshentët përpiqen të blejnë produkte me nikotinë përmes gojës....
-
Ushtria zvicerane nuk arrin të përmbushë afatet për reduktimin e zhurmës në poligonet e qitjes
-
Defekt teknik: Evakuohet treni në tunelin e Gotthard-it
-
SHBA kërcënon Zvicrën me tarifa deri në 250% për produktet farmaceutike
-
Emision në SRF mbi rrugën e Kosovës drejt Pavarësisë dhe rolin e Zvicrës