29 vjeçari Fatlind Rama, President i Vevey-Sports

Rama është prezantuar të hënën në mbrëmje, duke filluar një epokë të re në skuadrën zvicerane

Fatlind Rama është zgjedhur President i Klubit zviceran, Vevey-Sports.

29 vjeçari ka filluar punën menjëherë, ku ka synim që të ketë stabilitet financiar në skuadrën zvicerane, si dhe të punojë me grupmoshat e reja, thuhet në njoftim, përcjell albinfo.ch.

Pronari i kaluar, Cyril Cornu ishte në këtë post nga shtatori i vitit të kaluar.

Vevey-Sports nga Kantoni i Vaud-it është themeluar në vitin 1898, duke ndërruar katër herë emrin.

Skuadra garon në Swiss Promotion League, dhe, në historinë e saj, për shtatë vjet ka qenë edhe pjesë e elitës së futbollit zviceran.

Në historinë e saj ka pasur shumë trajnerë dhe lojtarë të njohur, duke kujtuar Miroslav Blazheviq, ish-trajnerin e Prishtinës në kohët e arta.

 

 

---