Yakin flet për raportet me Shaqirin dhe mundësinë e rikthimit

Murat Yakin është shprehur se dera për Xherdan Shaqirin nuk është mbyllur

Murat Yakin ka pranuar se nuk ka pasur kontakt me Xherdan Shaqirin, prej se është pensionuar nga Nati.

Në një intervistë për gazetën Blick, Yakin tregoi se, megjithëse nuk mori përgjigje personale, kishte ndjekur reagimin e Shaqirit përmes konferencës për media dhe këtë e ka konsideruar të mjaftueshme, transmeton albinfo.ch.

Shaqiri ndihmoi Baselin të fitojë titullin dhe Kupën.

Megjithatë, trajneri i Nati-t nuk e ka mbyllur përfundimisht derën për rikthimin e Shaqirit: “Dera mbetet e hapur.”

Pavarësisht mungesës së Shaqirit, trajneri mbetet i fokusuar te grupi aktual, ndërsa lë gjithmonë hapësirë për rikthimin e emrave me peshë, nëse vetë lojtarët shfaqin gatishmëri.

---