Lajme
DW: Rusia intensifikon operacionet hibride në Evropë

Akte sabotimi ndaj dërgesave të armëve për Ukrainën, sulme ndaj infrastrukturës energjetike dhe telekomunikacionit, propagandë pro-ruse, madje edhe vrasje këto janë vetëm disa nga format e operacioneve hibride që Rusia po përdor gjithnjë e më shpesh kundër vendeve evropiane që nga fillimi i agresionit ushtarak ndaj Ukrainës në shkurt të vitit 2022, shkruan DW, transmeton albinfo.ch.
Sipas një studimi të publikuar nga Universiteti i Leidenit në Holandë, numri i këtyre incidenteve është në rritje të vazhdueshme. Bart Schuurman, udhëheqës i studimit dhe njëherësh ekspert i sigurisë, e cilëson raportin si një “thirrje zgjimi” për politikën evropiane. Ai paralajmëron për kërcënime serioze ndaj aviacionit civil dhe shërbimeve publike që mund të rrezikojnë mijëra qytetarë.
Një rast i rëndë është sulmi me zjarrvënie ndaj një kontejneri ajror mallrash të kompanisë gjermane DHL, pak para ngarkimit në një avion një incident që, sipas hetimeve, dyshohet të jetë organizuar nga inteligjenca ruse, duke treguar gatishmëri për të pranuar edhe pasoja njerëzore.
Gerhard Conrad, ish-agjent i Shërbimit Federal të Inteligjencës së Gjermanisë (BND), në një intervistë për Deutsche Welle, thekson se, ngjashëm me Luftën e Ftohtë, Rusia po përdor të gjitha mjetet e inteligjencës: nga spiunazhi ushtarak e industrial deri te frikësimi i popullsisë dhe destabilizimi politik në vendet e BE-së.
Një risi shqetësuese është rekrutimi i të ashtuquajturve “agjentë të disponueshëm”, simpatizantë të Rusisë që rekrutohen në vendet e BE-së për të kryer akte sabotimi ose për të spiunuar baza ushtarake, shpesh duke përdorur dronë. Në Gjermani, veçanërisht para zgjedhjeve për Bundestag, është rritur numri i incidenteve që përfshijnë këta sabotatorë jo-profesionistë.
Sipas Conrad, kërcënimi nga Rusia nuk është i ri, por i pranishëm të paktën që nga viti 2014, kur Rusia aneksoi gadishullin e Krimesë dhe ndërhyri në lindje të Ukrainës. Ai thekson se Evropa duhet të përgatitet për një mbrojtje afatgjatë kundër kërcënimeve hibride, duke forcuar shërbimet e inteligjencës dhe kapacitetet ushtarake. “Për këtë nevojiten më shumë personel, mjete teknike dhe korniza ligjore që lejojnë identifikimin e hershëm të këtyre strukturave dhe modeleve të sulmeve”, tha ai, transmeton albinfo.ch.
Të tjera nga Lajme
E-Diaspora
-
Dërgoni fëmijët në shkollat shqipe në Zvicër, regjistrimet fillojnë nga nesër, më 15 gusht Ambasada e Republikës së Shqipërisë në Bernë fton të gjithë prindërit shqiptarë që jetojnë në Zvicër...
-
Konsullata e Kosovës në Dyseldorf hap thirrjen për praktika ndërkombëtare
-
Gjenevë
Donis Sadushaj: Juristi shqiptar në zemër të diplomacisë zvicerane
-
Afro 3 orë pritje në dalje të pikës Merdarë
-
Vjedhje me thyerje në Rüti ZH: Arrestohet një kosovar
Jeta në Zvicër
-
Çokollata zvicerane në rrezik nga tarifat amerikane, a do të mbulojë Qeveria tarifat? Prodhuesi i çokollatës Daniel Bloch paralajmëron rrezikun që tarifat 39% të vendosura nga administrata Trump mund...
-
Zvicra miraton një model të përbashkët për reklamat në televizionin me shikim të mëvonshëm
-
Rrezik shumë i lartë për zjarre në pyje në disa rajone të Valais
-
Trafiku i bllokuar në aksin Grand-Saint-Bernard pas daljes nga shtrati të dy përrenjve
-
Fshati i shkatërruar zviceran Blatten do të rindërtohet brenda katër vitesh