Gjuha

Në Suedi, mësimi plotësues ndiqet nga 60% të nxënësve

E mërkurë, 27 Maj 2015 - 20:40 albinfo.ch

Ilustrim

Enti Shkollor i Suedisë publikoi raportin më të ri për gjuhët amtare, për vitin shkollor 2014/15. Në vitin shkollor 2014/15 janë raportuar 225 497 nxënës me të drejtën e ndjekjes së mësimeve në gjuhën e tyre amtare. Ky numër përbën 23,8% të të gjithë nxënësve në Suedi. Nga këta nxënës, 126 505 ose 56,1% kanë ndjekur mësimin në gjuhën e tyre amtare.

Nga raporti del se numri i përgjithshëm i nxënësve shqiptarë në shkollat fillore të Suedisë gjatë vitit shkollor 2014/15 ishte 8193 nxënës. Nga këta 8193 nxënës shqiptarë, mësimin plotësues në gjuhën shqipe kanë ndjekur 4952 nxënës, ose 60,4%.