Presidenti izraelit: Donald Trump e mori vetë vendimin, nuk po e tërheqim SHBA-në në luftë me Iranin

(KEYSTONE/AP Photo/Leo Correa)

Presidenti izraelit, Isaac Herzog ka deklaruar se Izraeli nuk po u kërkon Shteteve të Bashkuara të Amerikës të shkojnë në luftë.

“Ne nuk po e zvarritim Amerikën në një luftë”, tha ai për CNN.

Herzog ka deklaruar se Izraeli ka qenë i qartë se po ia lë vendimet presidentit të SHBA-së dhe se vendimi i Uashingtonit për të ndërhyrë në konflikt lidhet me interesat e sigurisë kombëtare të SHBA-së, transmeton albinfo.ch.

Herzog theksoi se programi bërthamor i Iranit përbënte një kërcënim për “interesat e sigurisë së të gjithë botës së lirë”.

“Si udhëheqës i botës së lirë, SHBA-të ishin gjithashtu në rrezik. Kjo është arsyeja pse ishte hapi i duhur për t’u bërë”, tha Herzog.