Shaqiri, gati për edicionin e ri me Baselin

“Unë jam më tepër një lojtar kreativ, ndaj ndonjëherë duket sikur jam ende në kulmin tim si para dhjetë vitesh”, deklaroi Shaqiri

Kapiteni i Baselit, Xherdan Shaqiri ka folur para nisjes së edicionit të ri në Superligën zvicerane.

“Gjendja është pozitive. Po punojmë me intensitet të lartë, dhe kjo është thelbësore. Synimi ynë është të arrijmë formën optimale për sfidat në kualifikimet e Ligës së Kampionëve”, është shprehur ylli shqiptar.

“Kur ke më shumë eksperiencë, fillon të kuptosh më mirë aspektet fizike dhe menaxhimin e energjisë. Lojtarët e rinj janë duke u zhvilluar mirë në këtë drejtim. Unë jam më tepër një lojtar kreativ, ndaj ndonjëherë duket sikur jam ende në kulmin tim si para dhjetë vitesh. Por pas ndeshjeve, rikuperimi është më i rëndësishëm se më parë”, shtoi ai, raporton 20min, transmeton albinfo.ch.

Edicionin e fundit, Baseli fitoi titullin dhe Kupën e Zvicrës, dy trofetë e futbollit zviceran.

---