Gruaja
Kanë kaluar 14 muaj dhe ende asnjë gjurmë nga Luljeta Tahiri
Luljeta Tahiri nga Mechernich i Gjermanisë ishte 13 vjeçe kur u zhduk në prill të vitit 2014.
Që nga ajo kohë nuk ka asnjë gjurmë rreth saj. Asnjë thirrje, asnjë mesazh telefonik, asgjë. Prindërit e saj dyshojnë se vajza e tyre mund të jetë në Köln, ose mund të jetë e vendosur diku jashtë Gjermanisë, raporton faqja zdf.de, transmeton “albinfo.ch”.
22 vjet më parë, prindërit e Luljetës kishin ardhur nga Kosova në Nordrhein –Westfalen. Çifti ka pesë vajza. Luljeta është më e madhja. Familja ndjehej e kënaqur në Gjermani dhe është plotësisht e integruar. Vajzat janë rritur dhe zhvilluar në Gjermani. Gjithçka të tregonte për një familje të lumtur, deri në një të premte pasdite kur bie zilja në derën e shtëpisë së familjes Tahiri. Para dere qëndron një familje turke e cila vjen të bisedojë më familjarët për fejesën e mundshme të djalit të tyre 20 vjeçar me vajzën, Luljetën 13 vjeçe. Në ato momente familjes Tahiri i bie qielli mbi kokë. Ata nuk e dinin asnjëherë se vajza e tyre kishte një të dashur.
Pasi që familja turke shkoi, mes Luljetës dhe prindërve të saj lindin mosmarrëveshje. Të nesërmen në mëngjes Luljeta ik nga shtëpia. Motra e vogël e saj e sheh duke u hedhur nga dritarja e dhomës së saj. Në tokë ajo e lë një letër lamtumirëse.
Menjëherë nëna e saj fillon kërkimin për vajzën, por pa sukses. 36 orë më vonë Luljeta paraqitet në polici në Hürth, 30 kilometra larg shtëpisë së saj. Ishte e larguar nga shiu. Policia e strehon në një qendër të sigurt rinore. Tri ditë më vonë, më 2 maj 2014 edhe prej aty Luljeta ikë dhe prej asaj kohe ajo zhduket vullnetarisht pa lënë asnjë gjurmë tjetër, njofton “albinfo.ch”.
Ditë më parë prindërit e Luljetes Nijazi dhe Hava Tahiri kërkuan fatin e saj edhe nga emisioni gjurmues në “zdf” “Aktenzeichen XY“.
Luljeta Tahiri është 1,70 metra e gjatë, ka flokë të drejta të zeza, sytë e gjelbër dhe është trup hollë. Në maj 2014 ajo ishte 13 vjeçare.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit