Gjermani: Temperaturat e larta, rritet importi dhe prodhimi i kondicionerëve

Unsplash

Gjermania po shënon një rritje të ndjeshme në prodhimin dhe importin e njësive të kondicionerëve, ndërsa valët e të nxehtit në vend po shtohen në frekuencë dhe intensitet, shkruan DW, transmeton albinfo.ch.

Sipas Zyrës Federale të Statistikave të Gjermanisë, prodhimi vendas u rrit me 92% në vitin 2024, duke shkuar nga 164.000 njësi në vitin 2023 në 317.000 njësi në vitin 2024. Në përgjithësi, prodhimi është rritur me 75% gjatë pesë viteve të fundit.

Importet mbeten gjithashtu në nivele të larta, me Gjermaninë që bleu kondicionerë ajri në vlerë prej 949 milionë eurosh në vitin 2024, një shifër pak më e ulët se rekordi i vitit 2023 prej 957 milionë eurosh.

Nga njësitë e importuara, një në katër janë prodhuar në Itali, ndërsa Kina dhe Suedia janë gjithashtu furnizues të mëdhenj për tregun gjerman, transmeton albinfo.ch.