Të tjera

Rënie e ndjeshme e numrit të nxënësve shqiptarë në Luginën e Preshevës

E premte, 22 Gusht 2025 - 19:40 albinfo.ch

Numri i nxënësve shqiptarë në shkollat fillore të Luginës së Preshevës ka pësuar një ulje të dukshme gjatë pesë viteve të fundit. Sipas kryetarit të Këshillit Kombëtar Shqiptar, Enkel Rexhepi, nga viti shkollor 2020/21 deri në 2025/26, numri ka rënë nga 4,059 në 3,650, që përbën një ulje prej 409 nxënësish, ose rreth 10%.

Rexhepi shpjegon se kjo tendencë lidhet me emigrimin, natalitetin e ulët, vështirësitë ekonomike, mosnjohjen e diplomave dhe pasivizimin e adresave. Ai paralajmëron se situata kërcënon të ardhmen e arsimit në gjuhën shqipe në këtë zonë dhe nxit për veprime më të vendosura për mbrojtjen dhe zhvillimin e shkollave shqipe.