Opera e Cyrihut shpallet Shtëpia Operistike e Vitit 2025

Sipas një sondazhi kritikësh profesionistë të muzikës, të kryer nga revista e specializuar për operë, Opernwelt

Shtëpia e Operas së Cyrihut është zgjedhur Shtëpia e Operas e Vitit në një sondazh kritikësh profesionistë të muzikës, të kryer nga revista e specializuar për operë, Opernwelt.

39 kritikë që kanë marrë pjesë në këtë sondazh i kanë dhënë Cyrihut vendin e parë në konkurrencën e zonës gjermanishtfolëse (Gjermani, Austri, Zvicër), transmeton albinfo.ch. Vitin e kaluar, Opera e Frankfurtit e kishte fituar këtë titull për të tetën herë.

“Opera e Cyrihut e ka fituar vendin e saj `nën diell` me një program dramaturgjikisht të besueshëm, inovativ dhe të larmishëm, si dhe me disa prekje mbresëlënëse regjisoriale”, shkruan revista, raporton srf.ch.

Drejtori më i fundit artistik i Operës së Cyrihut ishte Andreas Homoki; Matthias Schulz, ish-drejtori artistik i Operas Shtetërore të Berlinit “Unter den Linden”, do të marrë përsipër postin e drejtorit për sezonin e ri.

---