Elbenita Kajtazi rikthehet në skenën madhështore të Semperoper-it në Dresden

Sukseset e Elbenita Kajtazit vazhdojnë në një nga skenat më të mëdha të Evropës

Sopranoja e shquar me famë ndërkombëtare, Elbenita Kajtazi, vazhdon të ngjallë admirimin e publikut gjerman dhe më gjerë, shkruan albinfo.ch.

Në një postim të fundit, ajo ka ndarë emocionet e saj para paraqitjes së radhës në një nga skenat më prestigjioze të Evropës – Semperoper në Dresden.

“Gati të ngjitem në skenë në Semperoper, Mimi im i parë për këtë sezon. Dy shfaqje të tjera më presin më 15 dhe 21 nëntor 2025”, ka shkruar artistja shqiptare.

Elbenita Kajtazi, e cila prej vitesh ka ndërtuar një karrierë të suksesshme në botën e operës, është vlerësuar për zërin e saj të jashtëzakonshëm dhe interpretimet e ndjeshme në rolet klasike.

Rikthimi i saj në Semperoper shënon një tjetër sukses në rrugëtimin e një artisteje që vazhdon të përfaqësojë me krenari muzikën shqiptare në skenat ndërkombëtare./Albinfo.ch

---