Fishekzjarret ndezin atmosferën në “Fadil Vokrri” në hapje të ndeshjes Kosovë – Zvicër

Me fishekzjarre spektakolare ka nisur hapja e ndeshjes ndërmjet Kosovës dhe Zvicrës, që po zhvillohet në stadiumin “Fadil Vokrri” në Prishtinë. Edhe pse atmosfera është sfiduar nga reshjet e shiut, tifozët nuk e kanë ndalur përkrahjen, duke mbushur tribunat.

Përballja pritet të jetë mjaft interesante ndonëse nuk pritet ndonjë ndryshim sa i përket renditjes për kualifikimet për kampionatin botëror, shkruan albinfo.ch.

Tifozët, të pajisur me ombrela dhe mantela, po valëvisin flamujt dhe brohorasin në përkrahje të skuadrave të tyre, duke treguar se as shiu nuk mund t’i ndalë.

Ndeshja pritet të sjellë emocione të forta ndërsa stadiumi është kthyer në një arenë të gjallë sportive dhe festive, pavarësisht kushteve atmosferike.