Ministret e jashtme të Shqipërisë dhe Kosovës në shënimin përkujtimor të 90-vjetorit të lindjes së Ismail Kadaresë

Me rastin e 90-vjetorit të lindjes së shkrimtarit të shquar Ismail Kadare, ministrja e Jashtme e Shqipërisë, Elisa Spiropali, ka ndarë një mesazh përkujtimor ku vlerëson veprën monumentale dhe kontributin e jashtëzakonshëm të kolosit të letrave shqipe.

Në një status të publikuar në rrjetet sociale, Spiropali shprehet se, së bashku me ministren e Punëve të Jashtme dhe Diasporës në detyrë të Kosovës, Donika Gërvalla-Schwarz, si dhe miq nga Tirana dhe Prishtina, kanë kujtuar me respekt të thellë dhe dashuri të posaçme figurën dhe trashëgiminë letrare të Ismail Kadaresë.

Sipas saj, vepra e Kadaresë ka dhënë një kontribut kolosal në forcimin e vetëdijes kombëtare dhe mbetet një shtyllë themelore e kulturës shqiptare, duke e bërë emrin e Shqipërisë të njohur në mbarë botën.

90-vjetori i lindjes së Ismail Kadaresë po shënohet me aktivitete përkujtimore në Shqipëri dhe Kosovë, si dëshmi e respektit mbarëkombëtar për një nga figurat më të rëndësishme të letërsisë dhe identitetit shqiptar