Kancelari gjerman: BE-ja e ka zvarritur procesin e zgjerimit në Ballkanin Perëndimor

(KEYSTONE/DPA/Ronny Hartmann)

Kancelari gjerman, Friedrich Merz pasi u pyet nga presidenti malazez ka disktuar rreth zgjerimit të Bashkimit Evropian, teksa duke ju drejtuar vendeve të Ballkanit Perëndimor, Merz pranoi se BE-ja e ka zvarritur procesin e zgjerimit drejt këtij rajoni.

Merz premtoi se do ta rishikojë qasjen dhe do ta shtyjë përpara anëtarësimin e tyre, pavarësisht rezistencës brenda bllokut.

“Po ndihem gjithnjë e më i pakëndshëm me qasjen tonë ndaj vendeve tuaja. Duhet të rihapim një strategji të re. Nuk dua t’ju humbas. Ju jeni pjesë e kontinentit evropian dhe, për rrjedhojë, jeni potencialisht pjesë e Bashkimit Evropian. Ka një “elefant në dhomë”. Të gjithë në këtë sallë e dinë kush është kundër kësaj, por ne duhet ta kapërcejmë këtë”, deklaroi ai, transmeton albinfo.ch.

Tutje, ai ka deklaruar se nevojitet një votë unanime në Këshillin Evropian për të hapur kapitullin e radhës, por duhet ta tejkalojmë këtë pengesë.

“Së fundi, pas zgjedhjeve që do të mbahen në prill, shpresoj se do të jemi në gjendje të hapim kapitujt e ardhshëm dhe t’ju afrojmë gjithnjë e më shumë me Bashkimin Evropian, deri në fund si anëtarë të tij”, u shpreh ai.

Merz tha gjithashtu se “bota nuk është më njëpolare. Udhëheqja e SHBA-së po sfidohet, ndërsa Kina po forcohet dhe mund ta barazojë Amerikën në aspektin ushtarak”.