Kriza në Ukrainë

Papa Leoni: Paqja në Ukraina nuk duhet të vonohet

E diel, 22 Shkurt 2026 - 17:30 albinfo.ch

Keystone (AP Photo/Alessandra Tarantino)

Papa Leoni XIV ka bërë thirrje më të forta për paqe në Ukrainë, teksa ky vend po përgatitet të shënojë katër vjet nga pushtimi rus.

“Sa viktima, sa jetë dhe familje të shkatërruara! Sa shumë shkatërrim, sa vuajtje të papërshkrueshme,” ka deklaruar papa teksa u është drejtua besimtarëve të mbledhur në Sheshin e Shën Pjetrit për lutjen e përjavshme Angelus, transmeton albinfo.ch.

Ndër të tjera, ai ka bërë thirrje po ashtu që paqja të mos vonohet.

“Paqja nuk mund të vonohet. Është një nevojë urgjente që duhet të gjejë vend në zemrat tona dhe të përkthehet në vendime të përgjegjshme”, ka thënë ai.