Avdilit nuk i mjaftojnë votat për kryetar të Cyrihut

Kandidati me rrënjë shqiptare i FDP nuk ka arritur të zgjidhet as në ekzekutivin e Cyrihut, post që e synonte krahas atij të kryebashkiakut

Raphael Golta (Partia Socialdemokrate) kryeson bindshëm në garën për kryetar bashkie të Cyrihut që u zhvillua sot.

Përparim Avdili, Presidenti i FDP-së së Cyrihut kishte kandiduar për kryetar bashkie dhe për anëtar të Këshillit Bashkiak (ekzekutivit) të qytetit më të madh të Zvicrës. Në garën për kryetar i ishte i dyti, menjëherë pas Raphael Golta-s, por me një diferencë të madhe votash.

Me tetë nga nëntë distrikte të numëruara, ai e ka të vështirë të hyjë edhe në ekzekutivin e qytetit. Avdili thotë për TeleZüri: “Sigurisht, kisha shpresuar për një rezultat tjetër.”

“E dija që kjo do të ishte gjithçka tjetër përveçse një gjë e lehtë. E kam ndjerë vërtet këtë gjatë javëve të fundit; jam përballur me një opozitë të ashpër.”

“Faleminderit shumë për mbi 47’000 votat. Fakti që kaq shumë njerëz e kanë shkruar emrin tim në fletën e votimit më nderon jashtëzakonisht shumë. Natyrisht jam i zhgënjyer që nuk mjaftoi për t’u zgjedhur në ekzekutivin e qytetit (Stadtrat). Veçanërisht sepse arrita shumicën absolute, por për shkak të sistemit të zgjedhjeve mbeta jashtë si kandidati i tepërt. Megjithatë jam jashtëzakonisht krenar – për këtë fushatë të shkëlqyer zgjedhore, me të cilën arritëm të japim një sinjal të ri në Cyrih. Fakti që FDP arriti të rrisë mbështetjen, të vendoset qartë si forca e dytë më e madhe dhe të fitojë dy vende shtesë, më bën edhe më krenar.Unë do të vazhdoj të jem në shërbim të qytetit tonë – si anëtar i këshillit komunal, si qytetar i këtij qyteti dhe mbi të gjitha si Përparim Avdili juaj.”, ka deklaruar Avdili pas numüerimit te votave!

Përparim Avdili tani i mungojnë 4,000 vota për të siguruar një vend në këshillin bashkiak.

Por rezultati i FDP-së e bën atë krenar: “Kjo tregon se partia është e rrënjosur dhe e gjallë në qytetin e Cyrihut,” tha Avdili, transmeton albinfo.ch.

Në shtatë nga nëntë zonat zgjedhore, votat  janë numëruar tashmë. Rezultatet që vinin nga Zona 9, e cila përfshin lagjet Altstetten (prej ng vjen Avdili) dhe Albisrieden ishin zhgënjyese për kandidatin e FDP-së.

Ndërsa në zonat zgjedhore 7 dhe 8 në qytetin e Cyrihut, Përparim Avdili arriti një rezultat të fortë. Ai doli i treti në këtë zonë, pas Raphael Golta-s të SP-së.

Siç qëndrojnë gjërat, të katër kandidatët e këshillit bashkiak të SP do të zgjidhen dhe të Gjelbrit do të fitojnë një vend të tretë. Kjo vjen në kurriz të FDP-së, e cila duket se do të humbë një vend. Një sukses i madh për të majtën, e cila tani do të mbante shtatë nga nëntë vendet në ekzekutiv

---