Këtë javë fillon ora verore, akrepat lëvizin një orë përpara

Si çdo vit, kalimi nga ora dimërore në atë verore do të ndodhë të dielën e fundit të marsit. Për vitin 2026, kjo bie më 29 mars, kur në orën 03:00 akrepat duhet të shtyhen një orë përpara, duke treguar 04:00.

Ora e verës do të vazhdojë deri të dielën e 25 tetorit 2026. Qëllimi kryesor i këtij ndryshimi është kursimi i energjisë elektrike, duke shfrytëzuar më shumë dritën e diellit. Gjatë periudhës së verës, kjo sjell një kursim prej rreth 210 orësh energji.

Përdorimi i orës verore ka filluar në vitet 1970, si pasojë e krizës së naftës, kur shumë vende evropiane e adoptuan për të shfrytëzuar më mirë dritën e ditës. Që nga 1996, Evropa ka një rregullore të përbashkët: orët shtyhen një orë përpara në pranverë dhe kthehen një orë pas në vjeshtë. Eksperimentimi i parë u bë më 1932, nga 6 korriku deri më 1 shtator.

Ky sistem zbatohet edhe në vende si Shtetet e Bashkuara dhe Franca, por ka shkaktuar debate të shumta. Kritiku thonë se ndryshimi i orës mund të ndikojë në shëndetin, duke rritur rrezikun për probleme kardiovaskulare dhe ulje të funksionit të sistemit imunitar, pasi ndërpret ciklin natyral të trupit. Po ashtu, kursimi i energjisë nuk është gjithmonë i dukshëm.