Kosova dhe Panamaja heqin vizat për diplomatët dhe zyrtarët

Marrëveshje historike për lehtësimin e udhëtimeve dhe zgjerimin e bashkëpunimit ndërkombëtar

Republika e Kosovës dhe Republika e Panamës kanë nënshkruar një marrëveshje që heq vizat për mbajtësit e pasaportave diplomatike dhe zyrtare, përcjell albinfo.ch.

Marrëveshja u firmos nga zëvendësministri i Punëve të Jashtme të Kosovës, Kreshnik Ahmeti, dhe ministri në detyrë i Panamasë, Carlos A. Hoyos, duke synuar jo vetëm lehtësimin e udhëtimeve zyrtare, por edhe zgjerimin e bashkëpunimit në fusha të tjera, përfshirë sigurinë, arsimin dhe turizmin.

Ky hap konsolidon marrëdhëniet diplomatike mes dy vendeve dhe krijon mundësi për bashkëpunim më të gjerë në nivele qeveritare dhe ndërkombëtare./Albinfo.ch

---