Refugjatët: Zvicra ndihmon Maqedoninë, Serbinë dhe Bosnjën

Zvicra do të dërgojë ndihma financiare për Maqedoninë, Serbinë dhe Bosnjën për të zgjidhur problemin me një numër të madh të refugjatëve që kalojnë nëpër territorin e këtyre vendeve për të arritur në Bashkimin Evropian.

Ministria e Jashtme e Zvicrës ka konfirmuar informacionin e publikuar në gazetën “NZZ am Sonntag” se Zvicra planifikon të dërgojë ndihma për vendet e Ballkanit, raporton AFP.

Zëdhënësja e Ministrisë së Punëve të Jashtme të Zvicrës, Sylvia Miller, tha se lartësia e ndihmës financiare nuk është precizuar. Por, ajo që dihet, me paratë zvicerane do të duhej të mbështeteshin organizatat humanitare në Ballkan që merren me refugjatët.

Ajo shtoi se për këtë do të diskutohet në takimin bilateral ndërmjet autoriteteve të Zvicrës dhe Serbisë, i cili do të mbahet javën e ardhshme, përcjell albinfo.ch.
Qeveria zvicerane parashikon ndryshe në këtë vend me tetë milionë banorë të pranojë rreth 30,000 kërkesa azili gjatë këtij dhe vitit të ardhshëm