Zermatt ka më shumë të huaj se zviceranë

Resorti i famshëm alpin në këmbët e Matterhornit është bërë më ndërkombëtar se sa vendas

Zermatt, qyteti i njohur turistik në Alpet zvicerane, i vendosur në këmbët e malit Matterhorn, konsiderohet në mbarë botën si një simbol i Zvicrës tradicionale, transmeton albinfo.ch.

Megjithatë, sipas të dhënave të fundit, ai është më ndërkombëtar se shumica e komunave të tjera në vend. Në Zermatt jetojnë 2,883 shtetas të huaj, një numër që tejkalon banorët zviceranë, të cilët janë 2,748.

Kjo situatë shpjegohet kryesisht me faktin se shumica e punonjësve në sektorin e shërbimeve turistike në resort vijnë nga jashtë vendit.

Rritja e punësimit të huaj ka bërë që Zermatt të kthehet në një qendër shumëkulturore, duke reflektuar natyrën ndërkombëtare të turizmit në Zvicër./Albinfo.ch

---