Rritet numri i të papunëve në Zvicër

Shkalla e papunësisë në Zvicër është rritur për 3.2 për qind në muajin gusht nga 3.1 për qind sa ishte në muajin korrik. Gati 137 mijë persona janë regjistruar në fund të gushtit në qendrat rajonale të punësimit (RAV). Bëhet fjalë për mbi 3.000 më shumë se në muajin e kaluar. Numri i përgjithshëm i punëkërkuesve u rrit në pothuajse 193 mijë të papunë.

Për Boris Zürcher, drejtor i Sekretariatit Zviceran Shtetëror për. Çështjet Ekonomike (SECO) nuk është shqetëuese.

“Është në përputhje me pritjet, siç e kemi shprehur në parashikimin e mëparshëm në qershor.”, tha Zürrcher.

Tri të katërtat e rritjes mund të jenë për shkak të efekteve sezonale.

Veçanërisht bie në sy  numri i të rinjve të papunë. Numri i të papunëve 15- 24-vjeç u rrit nga rreth 17 mijë sa ishin në korrik në më shumë se 20 mijë në muajin gusht.

Në të njëjtën kohë numri i të papunëve mbi 50 vjeç ka shënuar rënie pak në muajin gusht.

Në grupin e grupmoshave nga 25 deri 49 vjeç, shifrat e papunësisë mbeten stabile në krahasim me muajin korrik.