Muriqi me 23 gola, por Mallorca bie nga La Liga

Sulmuesi i Kosovës e përfundon kampionatin si golashënuesi i dytë më i mirë në La Liga me 23 gola

Sulmuesi i Kosovës, Vedat Muriqi me Mallorcan nuk kanë arritur ta sigurojnë mbijetesë në elitën spanjolle.

Mallorcas nuk i mjaftoi fitorja 3:0 ndaj Real Oviedos të shtunën mbrëma në xhiron e fundit. Mallorca edicionin e ardhshëm do të bëjë gara në kategorinë e dytë të futbollit spanjoll.

Mallorca e përfundon kampionatin në vendin e 18-të me 42 pikë. Muriqi e shënoi golin e tretë në minutën e 88-të në fitoren ndaj Oviedos, transmeton albinfo.ch.

Sulmuesi i Kosovës e përfundon kampionatin si golashënuesi i dytë më i mirë në La Liga me 23 gola. Muriqi ka bërë një edicion shumë të mirë por forma e tij nuk mjaftoi që Mallorca ta siguronte mbijetesën.

32-vjeçari Muriqi krahas 23 golave ka kontribuar edhe me një asistim. Vetëm Kylian Mbappe pati gola më shumë (25).

Bashkë me Mallorcan, ra edhe Girona. Oviedo e kishte prerë biletën për në kategorinë e dytë spanjolle më herët.

---