Kosovë: NISMA vendos të mbështesë PDK-në në zgjedhjet e 7 qershorit

Kryetari i Partisë Demokratike të Kosovës, Bedri Hamza, ka njoftuar se partia e tij ka arritur një marrëveshje bashkëpunimi me NISMA Socialdemokrate për zgjedhjet e 7 qershorit.

Sipas deklaratës së Hamzës, Fatmir Limaj dhe subjekti i tij politik do ta mbështesin PDK-në dhe kandidaturën e Hamzës për kryeministër, transmeton albinfo.ch.

Hamza ka theksuar se ky bashkëpunim bazohet në vlera të përbashkëta, përgjegjësi politike dhe nevojën për stabilitet në vend.

Ai ka deklaruar se Kosova ka nevojë për bashkim dhe bashkëpunim më të gjerë politik, duke e cilësuar marrëveshjen si hap drejt një bashkëpunimi më afatgjatë institucional dhe qeverisës.

Në mesazhin e tij drejtuar qytetarëve, Hamza ka kërkuar mbështetje në zgjedhje, duke premtuar ndryshim dhe përballje me krizën politike dhe ekonomike.