Müller ndërpret fushatën, nderon viktimën e shkaktuar në aksident

FDP-Parteipraesident Philipp Mueller bei seiner Rede an der Delegiertenversammlung der FDP Schweiz in Amriswil (TG) am Samstag, 27. Juni 2015. (KEYSTONE/Walter Bieri)

Kryetari i FDP/PLR (Partisë Liberale të Zvicrës) Philipp Müller ka vendosur sot që të ndërpresë fushatën e tij zgjedhore në garë për një vend në Dhomën e Kantoneve të Parlamentit Nacional, si përfaqësues i Kantonit të Aargaut. Kjo ndërprerje do të vlejë “deri në një vendim tjetër”, thuhet në një njoftim që e ka bërë Müller peronalisht për medie.

Ai në këtë njoftim shkruan se vendimin për ndërprerje të fushatës e ka marrë në shenjë respekti ndaj vajzës, të cilës i ka shkaktuar lëndime në një aksident që ka ndodhur të enjten që shkoi. Müller ndërkaq do të vazhdojë punën e tij si deputet nacional dhe i kryetar i partisë.

Siç është raportuar tashmë, Philipp Müller, të enjten ka hyrë me makinën e tij në kahun e gabuar të rrugës, në Lenzburg të Kantonit Aargau dhe me atë rast ka goditur një vajzë 17 vjeçe që po e ngse një motoçikletë. Vajza ka pësuar lëndime te rënda.

Hetimet lidhur me rrethanat e aksidentit janë duke u zhvilluar.