Orges Bytyqi përfundon me sukses kursin TOEFL dhe nis studimet në Eötvös Loránd University

Pas suksesit në TOEFL, Orges Bytyqi nis studimet në Eötvös Loránd University

Një tjetër histori suksesi vjen nga të rinjtë shqiptarë. Orges Bytyqi ka fituar bursën prestigjioze Stipendium Hungaricum, e cila mbulon 100 për qind të studimeve dhe ofrohet nga Qeveria e Hungarisë për studentët ndërkombëtarë, transmeton albinfo.ch.

Falë kësaj burse, ai do të vazhdojë studimet në Eötvös Loránd University (ELTE) në Budapest, një nga universitetet më prestigjioze në Hungari dhe ndër institucionet akademike më të vlerësuara në Evropën Qendrore.

Përveç këtij suksesi, Orgesi ka ndjekur edhe kursin TOEFL në Ivy Journey, ku ka arritur rezultatin e shkëlqyer prej 100 pikësh, duke dëshmuar përgatitje të lartë akademike dhe njohuri të avancuara të gjuhës angleze.

Universiteti ELTE njihet për cilësinë e lartë të arsimit dhe ofron programe studimi në nivelin bachelor dhe master në gjuhën angleze, duke tërhequr studentë nga e gjithë bota.

Suksesi i Orges Bytyqit është një dëshmi se përkushtimi dhe puna e vazhdueshme hapin dyert drejt universiteteve më të mira ndërkombëtare dhe përbën një shembull frymëzues për të rinjtë që synojnë studimet jashtë vendit./Albinfo.ch

---