BE zhvillon hetime kundër TikTok-ut

Ekziston rreziku që pa masa të nevojshme mbrojtëse t'u mundësohet të rriturve të kontaktojnë fëmijët dhe të rinjtë me qëllime abuzive

Komisioni Evropian po zhvillon hetime kundër platformës së njohur sociale, TikTok. Ai dyshon se platforma e mediave sociale nuk po bën mjaftueshëm për të mbrojtur fëmijët dhe të rinjtë, tranmseton albinfo.ch

Ndër kritikat që i drejtohen me këtë rast është ajo se të huajt (personat që s`duhet të kenë qasje) mund të shohin llogaritë publike të të miturve. Kjo mund t’u mundësojë të rriturve të kontaktojnë fëmijët dhe të rinjtë me qëllime abuzive.

Nëse BE arrin në përfundimin se TikTok po shkel rregullat për mbrojtjen e të miturve, kompania përballet me sanksione dhe një gjobë. TikTok mund të shmangë një penalizim nëse platforma bën ndryshime të mjaftueshme në drejti  të mbrojtjes së fëmijëve dhe të rinjve.

---