Për gjashtë muaj, 337 milionë € remitenca

Remitencat, që paraqesin kategorinë më të madhe në kuadër të llogarisë së të ardhurave dytësore, vazhdojnë të stabilizojnë gjendjen sociale në Kosovë

Nga janari deri në qershor të këtij vitit, dërgesat e mërgimtarëve në Kosovë kanë arritur në 337 milionë euro, duke shënuar kështu një ngritje të theksuar prej 15,8 për qind krahasuar me vitin e kaluar. Kështu thuhet në statistikat e fundit publikuar nga Banka Qendrore e Kosovës (BQK).

Bazuar në të dhëna të Agjencisë së Statistikave të Kosovës pjesa dërmuese e remitancave në Kosovë shpenzohen për konsum, raporton Zëri. Këto dërgesa vazhdojnë të konsiderohen si stabilizator i gjendjes sociale në Kosovës, edhe pse konsiderohen si të ardhurat dytësore buxhetore.

Ndryshe, nga viti 2004 deri në dhjetor të vitit 2014, mërgimtarët kanë dërguar në Kosovë rreth 6 miliardë euro remitenca. Shumica e këtyre dërgesave kanë shkuar në ndërtimin e objekteve, në konsum, në shëndetësi dhe shumë pak në investime ekonomike prodhuese. Analistët kërkojnë që remitencat të orientohen në zhvillim ekonomik.