E-Diaspora
Austria jep vetëm “azil me kohë të caktuar”
Sipas këtij modeli, pas tri vitesh, azili dhe e drejta e qëndrimit të atij që e ka fituar, pushojnë së ekzistuari në mënyrë automatike
Si reaksion ndaj fluksit të madh të refugjatëve që ka mësyrë Austrinë, ky vend i BE-së ka vendosur të ashpërsojë ligjin mbi azilin. Duke filluar nga 15 nëntori i këtij viti, Austria do të njohë vetëm “azilin me kohë të caktuar”.
Sipas këtij modeli, pas tri vitesh, azili dhe e drejta e qëndrimit të atij që e ka fituar, pushojnë së ekzistuari në mënyrë automatike. Pas këtij afati trevjeçar, do të rishikohet nëse ekzistojnë edhe më tutje arsyet për azil të personave konkretë.
Sipas informatave që i ka bërë publike të hënën Ministria e Punëve të Brendshme , koalicioni i madh në pushtet ka arritur ujdi për një rregullim të tillë të çështjes së azilit. Me këtë ashpërsim, Austria po i afrohet dispozitave të azilit në Gjermani, shkruan tagesanzeiger.ch.
Deri më tash, personave që e fitonin azilin, në Austri kjo e drejtë parimisht u njihej për kohë të pakufizuar. Nëse ndërkohë konstatohej se në vendet e tyre të prejardhjes nuk kishte më përndjekje, atyre, në mënyrë teorike mund të ndodhte t`u merrej azili i fituar, transmeton albinfo.ch. Por në praktikë kjo gjë nuk është shikuar në mënyrë sistematike.
“Ne duam t`u ofrojmë mbrojtje atyre njerëzve që kanë nevojë për mbrojtje”, ka thënë ministrja e brendshme, Johanna Mikl-Leitner. “Sepse, kjo që po ndodh tash shpeshherë nuk është më kërkim azili por kërkim për t`u vendosur në vende sa më atraktive nga ana ekonomike. Për këtë arsye azili duhet të jepet i kufizuar në kohë”, ka shtuar ministrja.
Edhe në Gjermani personat të cilëve u njihet azili, fillimisht e fitojnë nje leje trivjeçare qëndrimi. Vetëm në rast se pas kalimit të këtij afati nuk u kontestohet kjo leje, atyre u jepet e drejta e qëndrimit të pakufizuar.
Austria si vend tranziti dhe destinacioni për azil, është goditur nga kriza e azilit ngjashëm si Gjermania. Qeveria në Vjenë pret që deri në fund të vitit 2015 numri i azilkërkuesve në këtë vend të arrijë në rreth 85 mijë sish. Kur të kihet parasysh se në vitin 2014 ishin vetëm 28.000, numri i përmendur me lart është mjaft i madh për shtetin që ka rreth 8.4 milionë banorë.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Mbi katër mijë milionerë në Zvicër Këto ishin vite të majme për fituesit më të mëdhenj. Pagat e tyre janë rritur ndjeshëm,...
-
Drejt fundit të tarifës së dyfishtë të energjisë elektrike: përshtatja dhe ndryshimet në konsumin e energjisë
-
Mostransparencë e plotë në marrëveshjet mes siguruesve dhe spitaleve private
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike