Kthehen kontrollet në kufijtë e Shengenit

Kufijtë e  Shengenit do të vlejnë edhe për qytetarët e Bashkimit Evropian, por regjimi pa viza për qëndrime deri në tre muaj mbetet në fuqi për qytetarët e vendeve të Ballkanit Perëndimor, raportojnë mediat nga Brukseli.

Ministrat e Brendshëm dhe të Drejtësisë kanë kërkuar të premten nga Komisionit Evropian që menjëherë të fillojë zbatimin e “ndryshimeve të synuara në kufijtë e Shengenit“.

Ministrat ranë dakord për një “sistem të kontrollit të kufirit ndërmjet shteteve anëtare të Shengenit, e cila ka një lidhje elektronike në bazat e të dhënave të Interpolit në të gjitha kalimet kufitare me kontrollin e detyrueshëm të dokumenteve të udhëtimit”.

Franca në veçanti ka insistuar në kontrollin e të gjithë emigrantëve në kufijtë e jashtëm të Bashkimit Evropian me sistemin automatik të verifikimit të informacioneve të Shengenit (SIS), mekanizmat e vizave të lëshuara në BE dhe bazat e të dhënave të Interpolit.

Ministrat ranë dakord se gjatë krizës së emigrantëve duhet të merren shenjat e gishtërinjve dhe të kryhet një inventar i dokumenteve dhe identiteti i kufijve të jashtëm, me një rol shumë më të madh të agjencive policore Europol dhe Frontex, të cilët janë të angazhuara në mbrojtjen e kufijve të jashtëm të BE-së.

Parisi zyrtar me vendosmëri ka kërkuar për të formuar një roje kufitare të BE-së, për të zvogëluar rrjedhjen e emigrantëve nëpër Greqi, forcimin e dialogut në këtë drejtim, sidomos me Turqinë dhe kthimin automatik të emigrantëve, të cilët nuk mund të marrin azil.