Integrimi
Vogëlushi shqiptar ka emrin më të pazakonshëm në Berlin: Ozon
"Ne angazhohemi prej vitesh për mbrojtjen e ambientit dhe duam që dikur edhe Ozoni të shkojë gjurmëve tona», thotë babai i Ozonit, Xhafer Metaj"
Ai është «aktivisti» më i ri i mbrojtjes së ambientit në Gjermani ose së paku në Berlin, ku ka lindur para dy vitesh. Është kështu pasi që prindërit e kanë pagëzuar me emrin mbase më të pazakonshëm të mundshëm, «Ozon».
«Ne angazhohemi prej vitesh për mbrojtjen e ambientit dhe duam që dikur edhe Ozoni të shkojë gjurmëve tona», thotë për Berliner Zeitung babai, Xhafer Metaj, 53 vjeçar.
Në zyrën civile u shprehën të habitur me emrin, por lejuan megjithatë që vogëlushi të pagëzohej kështu, shton Metaj, i cili bashkë me gruan, Florijen, ka plane të mëdha me Ozonin e vogël.
Sigurisht, Ozoni i vogël ende nuk është në gjendje të bëjë shumë për mbrojtjen e ambientit por ai i thotë qysh tash në mënyrë të rregullt fjalët si: «Baum», Blume», «Wasser», Himmel»; «Sterne» (pemë, lule, ujë, qiell, yje), transmeton albinfo.ch. Ai po rritet në një ambient tregjuhësor: me gjermanishten, anglishten dhe shqipen, që është gjuha e amtare e tij dhe e prindërve të tij.
Ozoni ka dëshirë të këndojë dhe tregon edhe prirje për aktrim. Ai tashmë ka luajtur si statist në serialet televizive si «Berlin – Tag &N acht» dhe «Anwälte im Einsatz», përcjell albinfo.ch.
*Shtresa e ozonit mbron gjallesat nga rreziku i rrezatimit ultraviolet që vjen nga dielli
E-Diaspora
-
Flisni shqip në Zvicër! Përdorimi i gjuhës shqipe në Zvicër nuk duhet të shihet vetëm si një aspekt i diversitetit...
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
Jeta në Zvicër
-
Studimi i ri zbulon se ku në Zvicër punonjësit fitojnë më shumë dhe më pak Në disa sektorë, dallimet e pagave ndryshojnë jashtëzakonisht shumë në Zvicër në varësi të rajonit, sipas...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
122 politikanë, viktima të spiunazhit kinez, përfshirë zviceranët
-
Dritat veriore mbi qiellin zviceran