Futboll
A do të largohet FIFA nga Zvicra?
Organi qeverisës i futbollit botëror FIFA ka njoftuar këtë javë planet për të transferuar mbi 100 vende pune nga selia e saj në Cyrih në Miami, në Shtetet e Bashkuara të Amerikës.
Lajmi vjen dy vjet pas vendimit të tyre për të zhvendosur 34 vende pune nga qyteti më i madh i Zvicrës në Paris.
A është Cyrihu ende kryeqyteti i futbollit?
FIFA u themelua në Paris në vitin 1904, por u zhvendos në Cyrih 91 vjet më parë. Që nga viti 2007, ajo ka qenë selia kryesore e futbollit botëror. Megjithatë, të mërkurën, zëdhënësi i FIFA-s ngriti vetullat kur deklaroi se “FIFA është një organ qeverisës global dhe departamente të caktuara janë informuar për një plan për të kaluar në një seli të re të përhershme në Miami”.
Zyrat e reja, të cilat do të vendosen në Coral Gables, një qytet afër Majamit, do të mirëpresin mbi 100 staf të FIFA-s nga Cyrihu, duke përfshirë departamentin ligjor.
Lëvizja është planifikuar të jetë plotësisht funksionale në gusht 2024, përcjell albinfo.ch.
Sipas njoftimit nga FIFA masa ishte e nevojshme për të siguruar një planifikim më të mirë për Kupën e Botës 2026, e cila do të zhvillohet në SHBA, Kanada dhe Meksikë.
“Kjo është në përputhje me vizionin global të një organizate me 211 shoqata anëtare. Zyrat tona të reja në Miami dhe Singapor bashkohen me zyrat tona në Paris dhe zyrat e zhvillimit rajonal në mbarë botën”, shpjegoi zëdhënësi.
Rreth 800 persona nga stafi i FIFA-s kanë ende një kontratë pune me Zvicrën dhe organizata këmbëngul që selia e saj do të qëndrojë në Cyrih, por ka persona që dyshojnë se ka një model pas hapjes së zyrave të FIFA-s në Paris, Miami dhe Singapor.
Guido Tognoni ish-drejtor i komunikimit në FIFA ka thënë se “politika e Infantinos për t’u larguar nga Cyrihu ka filluar tashmë vite më parë” dhe është një përgjigje ndaj procedimit penal të nisur kundër tij.
A mund të përballojë Zvicra të humbasë FIFA-n?
Zvicra është shtëpia e shumë organizatave sportive ndërkombëtare, të cilat janë jashtëzakonisht të rëndësishme për vendin.
Një studim i vitit 2015 zbuloi se këto federata kontribuojnë çdo vit në ekonominë zvicerane 1.07 miliardë CHF.
Përveç punësimit të stafit, tërheqjes së turistëve dhe nxitjes së industrisë së hotelerisë, Cyrihu pret gjithashtu muzeun lokal të FIFA-s.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Pse 1 Maji nuk është festë publike kudo në Zvicër? Dita Ndërkombëtare e Punëtorëve shënohet më 1 maj, por vetëm disa pjesë të Zvicrës e festojnë...
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm