Lajme
A duhet të shqetësohemi se ‘ngjitësi i akullit’ në Antarktidë po shkrihet
Blloqet e akullit në Antarktidë mund të duken të palëvizshëm, por ngadalë kanë filluar të ndryshojnë për shkak të rritjes së temperaturave globale.
Shkencëtarët janë të shqetësuar se “ngjitësi”, përzierja e akullit dhe borës që mban blloqet e akullit bashkë, po fillon të shkrihet për shkak të rritjes së nxehtësisë.
Çfarë është “ngjitësi i akulli”?
Melange është një përzierje e ajsbergëve të thyer, borës që vjen nga rrymat e erërave dhe akullit të detit. Kjo përzierje ndihmon për të mbajtur blloqet e akullit së bashku, duke i bashkangjitur fort në shkëmbinj dhe kreshta.
Ndërkohë që temperaturat mbi 20 gradë Celsius u regjistruan për herë të parë vitin e kaluar, ka rrezik se përzierja po fillon të shkrihet më shpejt, duke shkaktuar çarje dhe thyerje në blloqet e akullit të Antarktidës.
Studiuesit në Laboratorin e Jet Propulsionit të NASA -s dhe Universitetin e Kalifornisë kanë studiuar çarjet e akullit për të mësuar më shumë rreth këtij procesi. Puna e tyre ka treguar se shkrirja e përzierjes mund të ketë shkaktuar një ajsberg të madh, që është shqetësues duke qenë se këto blloqe akujsh që shkrijnë pengojnë rritjen e nivelit të detit.
Rëndësia e blloqeve të akullit në kontrollin e niveleve të detit nuk mund të nënvlerësohet.
Sipas studiuesve, ato veprojnë si pengesë për akullnajat, duke ngadalësuar përparimin e tyre.
Ndërsa lëvizin ngadalë përpara, blloqet e akullit kapen në kreshtat nënujore ose ishuj të vegjël, duke ngadalësuar trafikun. Këto mbërthime mund të qëndrojnë për mijëra vjet, por në dekadat e fundit për shkak të rritjes së temperaturave dhe shkrirjes së përzierjes, lëvizja e blloqeve të akullit ka qenë shumë më e shpejtë dhe çarjet janë shfaqur më rregullisht.
Këto çarje kthehen zgjerohen, derisa përfundimisht shkëputen, duke lëshuar ajsbergë në oqean./euronews
Të ngjashme
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën