Bota
A mund t`i kalojnë refugjatët pushimet në vendin e prejardhjes?
Janë së paku 100 refugjatë që ushtrojnë këtë praktikë, por konsiderohet se “shifra e errët”, pjesa pra e paverifikuar e atyre që bëjnë pushime të tilla është edhe më e madhe, shkruan welt.de
Bazuar në një raport të Ministrisë së Punëve të Brendshme të Landit gjerman Baden Württemberg, ka vite që një numër refugjatësh i kalojnë pushimet në vendet e tyre të prejardhjes. Kjo në raste ndodh edhe disa herë brenda vitit. Vendet e menduara në këtë rast janë sidomos Siria dhe Iraku.
Janë së paku 100 refugjatë që ushtrojnë këtë praktikë, por konsiderohet se “shifra e errët”, pjesa pra e paverifikuar e atyre që bëjnë pushime të tilla është edhe më e madhe, shkruan welt.de.
Ndërkaq, edhe në rastet e verifikuara, ata kanë vazhduar të mbajnë statusin e fituar tashmë, të refugjatit me azil të pranuar në Gjermani, transmeton albinfo.ch. Ky status, siç merret me mend, atyre u është dhënë për shkak se është konsideruar se ata kanë qenë të ndjekur në vendet e tyre të prejardhjes. Partia CDU ka ngritur në parlament shqetësimin se a vazhdon të ekzistojë nevoja për mbrojtje, strehim të këtyre refugjatëve.
Ministri i drejtësisë në landin e BW ka konfirmuar dukurinë dhe ka thënë se diçka e tillë është e palejueshme. Por, nga ana tjetër, e ngarkuara e Qeverisë Federale për integrim, Aydan Özoguz ka shprehur mirëkuptim për këto vizita që bëjnë refugjatët, përcjell albinfo.ch.
“Mund të ketë shkaqe të rëndësishme përse një refugjat me status të njohur dëshiron të udhëtojë për kohë të shkurtër në vendin e prejardhjes. Në rastet kur prindi është në shtratin e vdekjes dhe dëshiron ta shohë për herë të fundit, kjo me siguri duhet të vlerësohet ndryshe dhe jo si një lloj turizmi në vendin e prejardhjes”.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën