“A1” i beson shërbimet në kohë të pandemisë kompanisë “AT Mobilfunk”, pronë e shqiptarit

“Kompania jonë “AT Mobilfunk GmbH” është zgjedhur nga “A1 Telekom” në Austri si partneri më i besueshëm për shërbimet në telekomin e “A1” për Landet:  Salzburg, Vorarlberg dhe Tirol"

Sikundër shtetet tjera në Evropë, edhe Austria është duke u përballur me krizën e madhe të pandemisë së Coronavirusit.

Kompanitë e mëdha austriake janë duke u munduar të mbajnë normalitetin e punës. Në këto përpjekje, edhe kompanitë shqiptare janë duke dhënë kontributin e tyre të çmuar në këtë kohë krize në Austri, shkruan albinfo.ch.

Kompania e njohur austriake e telekomit “A1” ka angazhuar kompaninë “AT Mobilfunk” të udhëhequr nga kryetari i Rrjetit në Tirol, Ajet Tahiri, për të punuar bashkë gjatë gjendjes së jashtëzakonshme që është krijuar si pasojë e pandemisë”, shkruan Albanian Global Diaspora Business Network, faqe e Rrjetit të Bizneseve Shqiptare, përcjell “albinfo.ch”.

Këtë informatë e ka konfirmuar edhe udhëheqësi i kësaj kompanie, Ajet Tahiri:

“Kompania jonë “AT Mobilfunk GmbH” është zgjedhur nga “A1 Telekom” në Austri si partneri më i besueshëm për shërbimet në telekomin e “A1” për Landet:  Salzburg, Vorarlberg dhe Tirol gjatë situatës aktuale të krizës së pandemisë. Për ne është një nder dhe një detyrim”, raporton albinfo.ch.

Muajin e kaluar revista “albinfo.at” në Austri ka botuar një shkrim të zgjeruar për punën dhe sukseset e Ajet Tahirit dhe kompanisë së tij “AT Mobilfunk” me seli në Innsbruck.

LAJME INTERESANTE NGA INTERNETI