Abazoviç: Lufta kundër krimit të organizuar në Mal të Zi do të vazhdojë

Zëvendëskryeministri i Malit të Zi, Dritan Abazoviç, përgëzoi Administratën Doganore dhe Administratën e Policisë për veprimin në të cilin u sekuestruan sasi të mëdha droge, transmeton albinfo.ch.

“Lufta e fortë kundër krimit të organizuar vazhdon”, shkroi Abazoviç në Twitter.

Drejtuesi i kamionit, në të cilin dyshohet se u gjetën rreth 250 kilogramë drogë, Nikola Bugarin (26), u arratis nga terminali doganor në Podgoricë.

Droga u zbulua nga oficerët e administratës policore dhe administratës doganore, departamenti për ndalimin e kontrabandës.

 

---