Kosova
Abazoviç: Negociatat e ardhshme Kosovë-Serbi të mbahen në Mal të Zi
Kryeministri malazez, Dritan Abazoviç, ka ofruar që Mali i Zi të jetë nikoqir i raundit të ardhshëm të negociatave mes Serbisë dhe Kosovës për normalizimin e marrëdhënieve mes dy vendeve, sipas agjencisë malazeze të lajmeve, MINA.
Abazoviç, në një intervistë për “Pavlovic Today” tha se Mali i Zi dëshiron të shohë një marrëveshje të kënaqshme mes fqinjëve të tij.
“Ne jemi të gatshëm të kontribuojmë dhe të mbështesim procesin e normalizimit të marrëdhënieve mes Serbisë dhe Kosovës”, tha Abazoviç, duke shtuar se Mali i Zi ka një rol pajtues në rajon.
Ai tha se Mali i Zi ka marrëdhënie të shkëlqyera me të gjitha vendet fqinje dhe se është i gatshëm të ndihmojë në çdo mënyrë, përfshirë mbështetjen logjistike.
“Personalisht do të doja të zgjeroja ofertën time, nëse do të ketë raunde të reja negociatash ndërmjet Kosovës dhe Serbisë, t’i presë në Mal të Zi”, tha Abazoviç.
Ai tha se Mali i Zi nuk është pjesë e dialogut, por propozimi evropian paraqet një zgjidhje të mirë në të cilën fitojnë edhe Serbia edhe Kosova.
Abazoviç ka vlerësuar se më e rëndësishmja është zbatimi i Marrëveshjes mes Serbisë dhe Kosovës.
“Unë nuk jam përkrahës i idesë në të cilën palët nënshkruajnë diçka pa monitoruar zbatimin. Kjo nuk ka funksionuar shumë mirë në të kaluarën. Gjëja më e rëndësishme është të sigurohet që marrëveshja të zbatohet në praktikë”, tha Abazoviç.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën