Lajme
Aeroporti i Frankfurtit, i paralizuar shkaku i COVID-19
Frankfurti është nyja më e rëndësishme për qarkullimin ajror të Gjermanisë
Meqenëse kriza e Coronës ka pasoja të drejtpërdrejta, kjo ka ndikuar edhe në Aeroportin e Frankfurtit, ndër më të mëdhenjtë në botë. Një shifër e bën të qartë këtë: 95% rënie të numrit të pasagjerëve shënon ky aeroport.
Duke qenë se Frankfurti është nyja më e rëndësishme për qarkullimin ajror të Gjermanisë – në këtë qytet ndodhet aeroporti më i madh i vendit. Por tani, si në të gjithë Gjermaninë, edhe aty gati nuk lëviz asgjë.
Javën e kaluar Fraport bëri të ditur se në këtë aeroport kanë mbërritur vetëm 66.151 pasagjerë, vetëm 5% e shifrës që normalisht qarkullon nëpër këtë aeroport, një rënie prej 95% e numrit të tyre. Vitin e kaluar kaluan nëpër këtë aeroport më shumë se 70 milionë pasagjerë. Kurse vëllimi i transportit të mallrave ka rënë me 25%, në 32.904 tonë, shkruan DW.
Koha përdoret për rikonstruktim
Duhet theksuar se Aeroporti i Frankfurtit po e përdor rënien e fortë të numrit të pasagjerëve për një rikonstruktim të përgjithshëm të pistave jugore të fluturimit. Me bllokimin e tyre, janë në funksion tani vetëm dy nga katër pistat e zakonshme.
Njëra nga pistat është kthyer për shkak të krizës në vendparkim për avionët e Lufthansës që nuk lëvizin prej ditësh nga vendi. Ndërsa një terminal pasagjerësh është mbyllur plotësisht. Për shumë punonjës të aeroportit është aplikuar puna me orar të shkurtuar. /Albinfo.ch
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?